28.01.2009 22:10:30 / bjorgmagnea

Fyrsta bloggið á nýju ári!

Sælt væri fólkið!
Mér fannst vera kominn tími á blogg hérna. Þetta er semsagt fyrsta bloggið mitt hérna á þessu ári. Árið 2009 leggst bara nokkuð vel í mig enda byrjaði það í partýinu hjá Rögnu sem var mjög skemmtilegt!
Svo kom að því að ég , Þórdís og Þór löggðum í skemmtilega langt ferðalag til Savannah. Það byrjaði á því að við sáum að við hefðum lent í gamalli Icelandair vél, semsagt sem var ekki búið að setja litlu einstaklingssjónvörpin í. Sem varð til þess að ég horfði á eina leiðinlegustu mynd ever á leiðinni. Eftir 8 tíma flug til Orlando var aksturinn eftir. Jessy og Erin voru æðislegar og komu að sækja okkur niður til Orlando sem er 4 tíma ferð hvora leið! En núna vandaðist málið. Venjulegur fólksbíll, 5 stórar ferðatöskur, 5 manneskjur og handfarangur!! Þetta átti eftir að verða versta 4 tíma bíltúr ævinnar minnar. Þórdís var með eina fyrir framan sig og þurfti annað hvort að sitja með labbirnar upp á töskunni (líkami í 45 gráðu horni) eða í hugleiðslustellingunni. Ég og þór aftur á móti vorum við eina stóra ONÁ okkur! Ojj hvað ég fékk mikla innilokunarkennd. Sérstaklega þegar Þór og Þórdís sofnuðu og ákváðu bæði að leggja sig á öxlina mína. Svo þarna var ég með 20 kg tösku á lærunum og tvær manneskjur sofandi þétt uppvið mig!! Ég hef allavega ákveðið núna að næst þegar eg ferðast heim þá ætla ég að taka Savannah-NY/Boston-Ísland flug heim, enginn meiri akstur!
Síðan komum við til Savannah og stelpurnar og Zach tóku á móti okkur. Þór var svo hérna í viku og það var mjög gaman að hafa hann hérna. Núna þekkir hann svona nánustu vini mína hérna og er meira inní málunum mínum hérna. Um helgina hittum við Ellert og Rebekku og íslenska strákinn hérna hann Ásgeir. Það var mjög gaman og á föstudeginum fórum við í 80’s party þar sem allir voru aaaaallll in! Rebekka var td í skærlituðum sundbol, ég öll í litum og þórdís bleik. Svo voru Ellert og Þór með geðveikar hárkollur og algjörlega voru með þetta!

Á laugardagskvöldið hittum við enn einn Íslending. Hann heitir Jón Grétar og spilaði fyrir SCAD líka eins og Ellert. Heima var hann í Víking. En ég held að þetta séu ábyggilega allir Íslendingarnir sem ég veit um hérna í Savannah ...haha nokkuð vandræðalega fá

Fyrsta vikan leið mjög hratt og fyrr en varir var Þór horfinn og farinn til New York. Ég á ennþá eftir að fá ferðasöguna beint í æð en ég vona að hann gefi mér smá skypetíma og segi mér frá NY. Mig dreymir um að fara þangað...vá ef ég verð hérna áfram þá er ég staðráðin í að ferðast sjúklega í öllum fríum eins og Spring Break og svona!!

Skólalega séð er þessi önn mikið erfiðari en hin. Ég er að taka 4 tíma eða 13 hours, semsagt: Statics (eðlisfræði), Calculus 3 (Stærðfræði), Graphics (Grafík) og English 2 (Enskar bókmenntir). Allt frekar erfitt og mikil heimavinna alla daga. Maður getur svosem litið á björtu hliðarnar og litið á þetta sem hluti sem stytta manni stundirnar á daginn.

Þótt að þetta sé fyrsta bloggið mitt á árinu þá ætla ég ekki að svæfa lesendurna með endalausum texta. Stay tuned fyrir fleiri blogg á næstunni!!!

B-Mó

» 8 hafa sagt sína skoðun

14.11.2008 21:56:25 / bjorgmagnea

Afríkuferðin og svefnleysi...

Hæhæ

Vá ferðin mín til Afríku var geggjuð. Ég gat ekki bloggað því nettengingin var eitthvað voðalega léleg og síðan er myndavélin biluð svo engar myndir náðust heldur. En í staðinn ætla ég að segja ykkur frá því sem er að gerast í lífi mínu. Svona í stuttum dráttum.

Ég óska Maddý hjartanlega til hamingju með afmælið í dag..aðeins eitt ár í tvítugt!!

Ég óska Tinnu svo fyrirfram til hamingju með afmælið sitt á morgun...skvísan er komin í fullorðinna manna tölu! Til lukku báðar :* uummmmmmaaa

Það er föstudagseftirmiðdagur og ég sit hérna í rúminu mínu að blogga. Herbergisfélagarnir okkar eru farnir yfir helgina að hitta vini sína svo ég og Þórdís erum einar hérna. Við erum báðar að sinna íslendingunum núna...ég að blogga og hún að tala við Tomma kæró. Við erum að hugsa um hvað við ætlum að gera í kvöld...því það er föstudagskvöld og engin æfing á morgun!!

...kannski við reynum að vaka í alla nótt! hmmm nee það er ekkert nýtt.

Ég var ekki búin að segja ykkur frá nóttinni minni eftir síðasta leikinn okkar. Við semsagt töpuðum síðasta leiknum okkar 1-0 í framlengingu í undanúrslitunum á móti Columbus sem eru númer 5 á landinu í Div 2. Við vorum án efa betri aðilinn og gátum alveg klárað þær en þær einhvern veginn kláruðu þetta með heppninni. Þessi týpíska heppni sem fylgir liðunum sem hafa unnið bikarinn oft. En allavega eftir leikinn fórum við útað borða með Erin, þáverandi kærasta Matt (þau eru hætt saman:/), Davi, Trisha og mömmu hennar. Við borðuðum geggjaðan mat. Risarækjur og melónur í hunangssósu og kjúklinganúðlur. GEGGJAÐ GOTT. Eftir matinn fórum við svo uppá hótel og fórum að sofa. En þá kem ég að því. Ég sofnaði ekki...og ég svaf ekki...ég svaf ekki EINA mínútu um nóttina. Frá því kl 1 þegar síðasta manneskjan sofnaði þá var ég vakandi til 8 þegar við lögðum á stað heim!!

Ég hlustaði á ipodinn minn þangað til hann varð batteríslaus, ég var í tetris í símanum mínum í svona 3 tíma og svo var ég í tölvunni minni þangað til hún varð batteríslaus!!

Kl. 6:30 byrjaði morgunmaturinn niðri svo ég fór niður og fékk mér vöfflu með sírópi og hálfa möffins. Þarna sat ég alveg ein, eins og lúði, borðandi mjög óhollan (en góðan) morgunmat á meðan ég horfði á tónlistarmyndbönd í sjónvarpinu. Uppúr 7 kom samt einn strákur úr einu liðinu þarna því honum langaði í kaffi...gat ekki sofið mikið meira. Við spjölluðum um lífið og fótbolta. Hann heitir Sean og er markvörður hjá North Georgia College. Svo skrapp ég upp og vakti herbergisfélagana mína kl 8 en við löggðum af stað heim (2 tíma akstur) hálftíma seinna. Ekki svaf ég í rútunni heldur, því akkurat í þetta eina skipti vorum við í pínulítilli rútu og ég er að segja þér að bílstjórinn var svo lélegur að alltaf þegar ég náði kannski að loka augunum þá hristist bíllinn svo til að mér varð óglatt. Þá tók ég bara upp símann minn og hélt áfram í tetris.

Löng saga...og ég er alveg að verða búin...

Þetta kvöld ákváðum við stelpurnar að djamma saman í íbúðinni þar sem tímabilið var búið. Ég sá fram á að ég myndi ekki meika kvöldið ef ég myndi ekki sofna eitthvað. Ég lagði mig í einn klukkutíma, kláraði að taka mig til, eldaði ommelettu og svo byrjaði partýið! Það var ekkert smá gaman og 16 manns voru hérna í litlu íbúðinni okkar. Við fórum í ýmsa leiki og töluðum um allt milli himins og jarðar.

Erin Vanilla og ég

Þórdís og ég

Svo um daginn var International day hérna og við íslendingarnir: ég, þórdís og ásgeir bökuðum pönnukökur a la ísland með sultu og rjóma! Þær voru great success og fólk spurði okkur útí ýmislegt um ísland...og einhverjar spurningar um efnahaginn hlutu að koma, hehe. Við svöruðum bara eftir bestu vitund

Svo fórum við á STRÖNDINA fyrir nokkrum dögum. Já það er nóvember og við vorum á ströndinni. Sjórinn var samt íííískaldur, svona svipaður og þegar þú ferð í sjóinn í nauthólsvík og syndir í heitu bununni sem er dælt útí sjóinn!! hehe...

Jessy tók myndina..og já jessy kann ekki að synda svo hún var með krókudílinn á sér í sjónum! hehe

Í gær var svo mjög gaman. Ég, Þórdís, Davi og Blake fórum á kaffihús og töluðum um fullt af hlutum yfir heitu kaffi. Ég fékk mér strawberry frappochino því eins og flestir vita þá drekk ég ekki kaffi

Eftir kaffihúsið fórum við í leikfimisalinn í gamla skólanum hans og vorum að skjóta körfur! Hann er nefnilega með lykla og svo setti hann tónlist á og læti. Það var geggjað gaman. Matt (fyrrverandi kærasti Erin vanillu) var í þessum skóla í fyrra og nafnið hans var ennþá uppá vegg því hann var í körfuboltaliðinu. Svo hvað gerðum við! Við klifruðum as in Blake klifraði upp og náði nafnskiltinu hans niður! Svo fórum við heim og gáfum Erin skiltið sem minjagrip. Hún hló ekkert smá og ég hjálpaði henni að hengja það upp í stofunni

Í kvöld ætlum við, ég, þórdís og jessy bara að chilla hérna. Við erum boðnar í partý til Jake sem er góður vinur okkar en partyið er haldið heima hjá vini hans. Við fórum fyrir nokkrum vikum í partý þangað og eins mikið og við elskum jake þá eru vinir hans ekki fyrir mikla fiska..þeir eru bara skrítnir, svo við erum að reyna að finna afsökun fyrir að fara ekki. Bitchy ég veit en ég meina hey!

Annars ætli ég láti þetta ekki gott heita að sinni..

...Bið kææææææærlega að heilsa öllum og minni á að það er minna en mánuður í skvísuna heim

Liðsmynd svona í lokin..

Kveðja Björg Magnea!

» 20 hafa sagt sína skoðun

30.10.2008 18:00:35 / bjorgmagnea

Hefur þú skorið út GRASKER?

Hæhæ

Hefur þú skorið út grasker?...ég hef!

Um daginn hittumst við hjá Jamie og Kirsten og skárum út grasker. Ég og Þórdís ákváðum að vera saman með eitt þar sem þetta var fyrsta graskerið okkar beggja!! Við skárum út draug sem hélt á kjertastjaka! Ekkert smá flottur draugur. Ekkert grasker var alveg eins og skárum Jessy og Erin út venjulegan kall, Meta skar út sjóræningjaskip, Carrie - sem btw skar út stærsta grasker sem ég hef séð á ævinni, enda tók það hana tvö kvöld að klára það - en hún skar út norn. Ég man ekki alveg hvað Kirsten skar út. Minnir að það hafi verið hauskúpa. En þetta var geggjað skemmtilegt en í senn ógeðslegt. Lyktin innan í graskeri er ekki góð og síðan þurfum við að hreinsa allt slímið og kornin úr kjarnanum! Síðan krydduðum við kornin og settum í ofninn..það var óvenjugott.

Okkar Þórdísar er vinstra meginn en sjóræningjaskipið hennar Meta hægra megin..

Graskerið í myrkri...böööööö

En annars tekur lífið hérna sinn vanagang..en reyndar er orðið svoldið svalt í veðri og ég er í gallabuxum, peysu og með klút í skólanum. Það skrítna við veðrið hérna er að það er skítakuldi um morguninn til svona 11 og svo kemur sól og það er nokkuð hlýtt en síðan aftur eftir klukkan 6 er kominn skítakuldi aftur!! Svo maður þarf alltaf að hugsa sig vel um hvernig maður á að klæða sig hverju sinni.

Fótboltinn gengur ágætlega bara. Við töpuðum reyndar mikilvægum leik síðasta laugardag 2-0 á móti liði sem við áttum að vinna. Allir í smá sjokki sérstaklega þar sem við vorum nýbúnar að vinna núverandi meistarana "national champions" 3-2 í framlengingu. Svo núna er ekki leikur fyrr en á sunnudaginn, leikur sem við enn og aftur verðum að vinna. Markmiðið er að komast í úrslitakeppnina eða NCAA mótið þar sem öll bestu liðin fara í en núna erum við á mörkunum þar sem við höfum tapað nokkrum leikjum og gert jafntefli þar sem við áttum að vinna.

Síðasta laugardagskvöld var svo helvíti skemmtilegt! Ég, Þórdís, Dawda og Blake fórum á kaffihús/Starbucks og fengum okkur koffíndrykki. Þar töluðum við um listana okkar. Þ.e. listann yfir fræga fólkið sem við myndum vilja vera með

Við komumst þar að ýmsu, m.a. að Walk to Remember er ein uppáhaldsmynd Blake og hann elskar Mandy Moore í henni og hann sagði okkur frá því hvernig hann fær gæsahúð þegar hún syngur í myndinni!

Annað mjög skemmtilegt við þetta kvöld var tónlistin í bílnum en þetta var með því væmnara sem ég heyrt á ævinni...og það skuggalega við það var að ég fílaði nokkur lögin, sérstaklega eitt með Cory Smith sem heitir "When the sun goes down in Georgia", fáranlega rómantískt lag! ( Getið hlustað á þetta rómó lag hérna: http://www.youtube.com/watch?v=Qk_S5Sxv-OQ ). En lögin voru ekki öll svona róleg....það var samt best þegar strákarnir voru að syngja með, svo einlægt

En eftir rúntinn fórum við heim til Blake þar sem við horfðum á nýjustu Indiana Jones í risa sjónvarpsherbergi með gossjálfsala og ísskáp og öllum græjum. Svo seint um kvöldið fórum við heim...en kvöldið var ekki nærri búið því við fórum í heimsókn til körfuboltastrákanna niðri og vorum ekki komnar á koddann fyrr en kl. 6 um morguninn!!

En það var frí daginn eftir svo við gátum sofið eins mikið og við vildum!!

Annars er HALLOWEEN að nálgast..það er á morgun, föstudag, og erum við stelpurnar búnar að ákveða að gera okkur sætar, elda mat og horfa á hryllingsmyndir saman!! Við megum nú ekki vera að gera eitthvað mikið meira en það því svo eigum við leik á laugardagsmorgni í 3 tíma akstursfjarlægð á móti Lander. Leikur sem við einfaldlega verðum bara að vinna. En í kvöld ætlum við í Haunted House...vona að það verði ekki of scary

En annars ætla ég ekki að hafa þetta lengra að sinni...vona að allt sé gott heima í kreppunni hryðjuverkamennirnir ykkar! Gordon Brown biður að heilsa

Lifið heil!

Bjóla

» 5 hafa sagt sína skoðun

16.10.2008 19:23:43 / bjorgmagnea

Columbus og Fall break

Hæhæ

Síðasta lengi var löng og skemmtileg. Á föstudeginum fékk allt liðið frí í skólanum því við áttum langa rútuferð framundan til Columbus. Við spiluðum tvo leiki þar, einn sem við unnum 3-1 og annan sem við unnum 1-0. Við spiluðum ágætlega en aðalmálið var að við unnum og 6 góð stig í hús! Ég var með Meta og Jamie í herbergi á hótelinu og það er kannski tvennt frásögufærandi sem gerðist í herberginu. Fyrsta er það að ég var eitthvað í speglinum að kvarta og ekki kvarta yfir bólunum í andlitinu mínu og þá kemur Meta með einhvern bólumaska sem ég sit ég andlitið. Með maskann í andlitinu vona ég að enginn komi inn í herbergið og um leið og ég sleppi orðinu er hurðin opnuð og án gríns þá kemur hálft liðið í heimsókn!! Það var mjög fyndið að sjá viðbrögðin, sérstaklega hjá Kirsten því hún horfði ekki á mig fyrr en hún var búin að vera inní í einhvern tíma. En já síðan var ég á Facebook og einhver skrælingi er að tala við mig á spjallinu sem ég veit ekkert hver er, eina sem ég veit er að hann er í sama skóla og er vinur Jake. Upp úr þurru biður hann um númerið mitt og ég held nú síður. En Erin Vanilla finnst voða fyndið ef við myndum láta hann fá númerið hjá Kirsten!! Svona korteri síðar kemur Kristen í heimsókn alveg rugluð og byrjar að segja okkur frá skrítnasta símtali ever!! hahaha þá hafði strákurinn hringt og hún spjallað við hann í 5-6 mínútur. Guð má vita um hvað því hún vissi ekkert hver þetta var þegar hún kom inní herbergið!! haha...

Svona styttum við okkur stundirnar hérna í ameríkunni en svo komum við heim á sunnudagskvöldinu.

En það var stutt stopp heima. Við herbergisfélagarnir fórum í sturtu og gerðum okkur sætar því leiðin lá í Georgia Southern, skóla sem er í 40 mín fjarlægð frá okkur. Davi á vini þar og fórum við þangað til að hanga með nýju fólki og komast í nýtt umhverfi. Það var geggjað gaman að kynnast vinum hennar, vera í sólbaði, spila coins og speed coins, spila nintendo og taka göngutúra um campus. Já á meðan ég man þá var skólinn ekkert smá stór!! 30.000 manns í skólanum og campusinn var gígantískur!! Strákarnir sem við gistum hjá áttu engan mat what so ever svo það endaði alltaf með því að við vorum glorsoltnar þegar við fórum að borða.

Alex "Fatlex", ég og Þórdís aftan á pallbílnum hans Chris á leiðinni á IHOP = International House of Pancakes

Við fengum okkur dýrindis ommeletter og pönnukökur í morgunmat!

Daviana, Þórdís og Ég...áður en við fórum út að borða með strákunum á Chili's...ákváðum að dressa okkur smá upp þar sem við gerum það svo sjaldan. Ég og Davi erum báðar á hælum svo Þórdís ákvað að standa uppá stól!! hahaha frekar fyndið.

Önnur mynd hérna af okkur herbergisfélögunum um helgina..

Þórdís, Daniel "Douce", Björg, Alex "Fatlex", Chris og Daviana...öll með pósurnar á hreinu!

Já svona var síðasta 5 daga helgin mín, nokkuð góð myndi ég bara segja.

Í gær miðvikudag spiluðum við svo hálfgerðan æfingaleik við Lindsey Univ. en það er ein íslensk stelpa í liðinu. Við töpuðum 4-1 sem var glatað, við mættum ekki í leikinn greinilega og uppskárum eftir því. Það var 3-0 í hálfleik og þjálfarinn að missa sig. Við hisjuðum upp buxurnar í seinni hálfleik og hann fór 1-1. Það átti að vera frí í dag á æfingu...sem er langþráð...en nei það er æfing og stelpurnar eru nokkuð vissar um að það verði sprettir og fitness!! Já dömur mínir og herrar, þetta eru bandaríkin! 120 metra sprettir og suicide..ekki óleiðinlegt!! En við skulum sjá til, kannski hann verður búinn að róa sig og æfingin verður bara venjuleg. Ég meina við eigum leik á laugardaginn næsta eftir 2 daga og aftur næsta miðvikudag og næsta lau...and so on..í síðustu viku spiluðum við 3 leiki..

En allavega bið ég að heilsa í bili...þarf að fara að taka mig til fyrir æfingu!

Kveðja, spretthlauparinn

» 9 hafa sagt sína skoðun

05.10.2008 22:34:46 / bjorgmagnea

Tæknilegir örðugleikar...

Hey góðir hálsar!

Núna er sunnudagurinn 5. október og ég ligg hérna uppí rúmi nýbúin að kveðja fólk á msn. Ég, Fanney, Ragna og Beta höfðum planað skype hitting en sökum tæknilegrar örðugleika gátum við það ekki. Ég geymi þá bara spenninginn þangað til næst

Ég var ekki búin að segja ykkur frá stórleik ársins!! Við spiluðum á móti Columbus State University fyrir viku og þetta var svona eiginlegur úrslitaleikur í Conference cup. (Svona eins og þegar KR og Valur í kvenna keppa í Landsbankadeildinni). Við vorum 2-0 yfir og vorum að yfirspila þær. Við förum vongóðar og glaðar inní hálfleik og ætlum að klára þetta...en allt kom fyrir ekki! Þær náðu að jafna, þannig að leikurinn fer í framlengingu!!! Þær skora svo úr aukaspyrnu og vinna! Við trúðum þessu ekki, að við hefðum gefið þeim þetta svona...þjálfarinn varð snarbrjálaður og stelpurnar líka....eftir þennan leik var æfing kl 6:30 um morguninn og önnur kl 3...fitness!! jeiii....við tökum nefnilega nokkrum sinnum í viku svona interval hlaup, sem við tökum svona 2svar á ári á Íslandi. Það er ógeð!!

En eftir þennan leik höfum við spilað 2 leiki. Einn sem við unnum 6-0, of easy og svo gerðum við 2-2 jafntefli í gær við Georgia College. Ég átti eina assist! (Assist er 1 point en mark 2 point og svo er kíkt í lokin hve mörg stig þú ert með).

Þegar ég og Þórdís komum heim um 1 am í gær vorum við engan veginn þreyttar svo við poppuðum okkur sitthvorn 100 calorie smart choice popp-pokann og fengum okkur sitthvora kókdósina og horfðum á The Sweetest thing. Það sem var skrítið var að eftir myndina um 3 leytið vorum við ekkert þreyttar en við vissum að við yrðum að fara að sofa svo dagurinn í dag myndi ekki verða ónýtur.

Í dag komu Jamie og Kirsten til okkar um 11 leytið með fullt af groceries og við gerðum gourmé morgunmat. Við gerðum svona mini-hamburgers, ommelettu, eggjabrauð með sírópi og cinnamon rolls. Ég sagði aldrei að þetta var hollt. Hehe...

Eftir morgunmatinn fórum við svo með hundana þeirra...Striker and Tucker niðrað vatni þar sem þeir hlupu um, syntu og komu svo uppúr og skvettu vatni á okkur....jammí!! Carrie, önnur stelpa í liðinu, kom líka með Charlie hundinn sinn. En það eiga ekkert smá margir hunda hérna. Þú ert reyndar undantekning ef þú átt ekki hund eða eitthvað dýr hérna. Eftir góðar stundir þarna í sólinni fórum við í mollið og keyptum okkur Victoria secret dót og síðan fjárfesti ég í teeth whitening...hlakka til að sjá hvernig það virkar

2 sinnum í hálftíma á hverjum degi í tvær vikur og þá á ég að vera með hvítari tennur í heilt ár!! Smá tilraunastarfsemi....en sökum bágs efnahags á Íslandi og genginu ákváðum við að vera ekkert að versla mikið meira að sinni.

Hérna er Þórdís, Erin "Vanilla" og ég í búðinni...klukkan 11 að kvöldi ákváðum við að okkur langaði í cupcakes..so what did we do? Við fórum í búðina og keyptum innihaldið. Þær voru eins og "little piece of heaven" eins og þeir myndu segja hérna í ameríkunni.

Hérna erum við með Jess, sjúkraþjálfaranum okkar, en hún bauð okkur í "Low-country Boil" hjá kirkjunni sinni á föstudagskvöldinu. Low-country Boil er rækjur, pylsur, maís ofl kryddað og soðið saman og er eitthvað sem þekkist bara hérna í Savannah og umhverfi. Þetta var "The church of Jesus Christ" en þau trúa að Guð sé ennþá að leiðbeina okkur og að hann hafi ekki bara skapað jörðina og hætt svo öllum afskiptum. Svo fengum við að taka túr um kirkjuna og heyrðum fullt af sögum um öll málverkin, sáum skírnarlaug fyrir fullorðna, fullt af kennslustofum og það eru krakkar sem mæta ALLA skóladaga kl. 6 um morguninn þarna til að læra um jesú og lesa biblíuna og the book of mormons þarna áður en þau fara í skóla....það kalla ég dugnað!! En já þetta var svona mormónakrikja...mjög gaman að fara þarna og sjá svona mismunandi menningu. Og jú er það ekki partur af því að vera í fjarlægu landi að prófa og læra nýja hluti.

Myndavélin mín er eitthvað að stríða mér og þótt að ég sé búin að eyða öllum myndunum þá segir hún að memory sé fullt en samt engar myndir til að skoða eða no images to display. Svo er ipod-inn minn eitthvað að klikka, batteríið í ruglinu...tæknilegir örðugleikar alls staðar bara.

Svo hefur það tvisvar gerst að áður en þjóðsöngurinn er spilaður fyrir leiki þá kemur eitthvað allt annað lag. Í eitt skipti kom "ísbíls-lagið", voða jollí lag eitthvað..haha já semsagt tæknilegir örðugleikar!

Núna fer klukkan að nálgast 7una og við, íslendingarnir, erum boðnir í grill til Jamie og Kirsten....grillaður lax...ég held að það gerist ekki betra!

En já nú kallar Þórdís..."Tilbúin eftir 2 mínútur!!"

Hahaha svo ætli ég láti þetta ekki duga í bili...alltaf gaman að blogga hérna og ég biðst afsökunar á hve lengi þetta var í bígerð...hehe...elska ykkur öll sem lesið þetta rugl í mér hérna!!

Take care, Björg Magnea

» 15 hafa sagt sína skoðun

25.09.2008 17:41:40 / bjorgmagnea

Afmælimánuður!

Hæhæ

Ætli ég byrji ekki á að óska afmælibörnum September mánaðar til hamingju með dagana! Ég er að missa af svo mikið af veislum og partýum þessa dagana að það er hrikalegt.

Hanna, Kristján Afi, Jóakim, Jóhannes, Elín Tinna, Ragna, Vísir og aðrir. Til hamingju með dagana..vúhú:*

Ekki má ég gleyma ömmu og afa í Ólafsvík en þau aiga 50 ára gullbrúðkaup á sunnudaginn næsta og eins og ég sagði við mömmu þá væri geggjað að ná að skora eitt mark í leiknum mínum hérna handa þeim Við erum að fara að keppa á móti Columbus State Univ. en þetta er stærsti leikur tímabilsins. Þetta er svona eins og Valur vs. Kr, Grindavík vs. Keflavík eða Haukar vs. FH. Leikurinn er kl 1pm hérna sem þýðir kl. 17 hjá ykkur heima og hægt er að horfa á leikinn á netinu en ég held að það kosti 5 dollara eða svo.. http://aasupirates.com/landing/index heimasíða the pirates!

$Kvöldmatur á Applebee\'s$

Annars höfum við verið að standa okkur ágætlega í boltanum. Við unnum Clayton State 2-1 í framlengingu þar sem Þórdís tryggði okkur sigurinn, en þarna kom annar 110 mínútna leikur þar sem ég spilaði allan leikinn

Síðan núna í gær vorum við að keppa á móti Pembroke sem endaði 0-0 eftir framlengingu líka....aðrar 110 mínútur!! En ég hef gott á að hlaupa aðeins af mér spikið hérna. En rosterinn eða leikmannalistinn er kominn inn á netið ef þið viljið skoða hann. Klikkið á nöfnin til að sjá mynd og texta: http://aasupirates.com/sports/wsoc/2008-09/roster .

Á þriðjudaginn átti Þórdís 2 ára sambandsafmæli og þar sem Tommi kæró er heima á íslandi fórum við á meðan Þórdís var í sturtu; Ég, Jessy, Davi, Jake og Will, útí búð og keyptum Sex and the City myndina sem kom út sama dag á DVD og Rocky horror show plakat og nammi handa elskunni og svo horfðum við á myndina saman og Þórdís bauð uppá íslenskt nammi

Krakkarnir hérna elska þristana en fylltu reimarnar fá ekki alveg jafn mikið hrós. En þau teygðu sig í ruslatunnuna þegar þau smökkuðu grænan ópal. Jamie sagði að hún hafði orðið smá smeyk því henni fannst hún verða dofin í munninum af ópalinu, hehe. Svo sögðum við þeim að við ættum svona ópal skot heima, það vakti ekkert svo mikla hrifningu.

Þórdís myndarlega að þrífa sturtuna og klóstið...ég horfi á og tek myndir

...ég þreif vaskinn

Þórdís er búin að vera með tilraunastarfsemi í eldhúsinu og eldaði handa okkur ommilettu í gærmorgun. Það tókst ekki betur en hún brenndist og hún sjálf sagði að þetta væri ógeðslegt! hehe...með nóg af salti komst það samt léttilega niður. En síðan í gærkvöldi kemur hún inní herbergið mitt og spyr hvort hún megi gera heitt súkkulaði úr súkkulaðiplötunni sem ég átti. Hún fær plötuna og tekst það ekki betur heldur en að eftir 4 sopa neyðist ég til að hella úr bollanum. Ég kenni samt súkkulaðinu um þetta þar sem þetta var 99% súkkulaði sem ég keypti á World Market hérna rétt hjá þar sem þú getur keypt hluti frá útlöndum sem fást ekki annars staðar. Þar gat ég keypt malteasers og haribo nammi

Núna er ég búin að framkalla fullt af myndum uþb 80 stykki og hengja þær uppá veggina hjá mér...ekkert smá mikill munur að hafa vinaleg andlit stara á mig allan daginn

Ooooo en sætt!

Hérna á myndinni erum við úti að borða á Macoroni Grill. Frekar fínn ítalskur staður, mjög góður matur og skemmtilegt þar sem dúkarnirnir eru bara pappír og síðan eru fullt af vaxlitum á borðinu svo maður getur litað á meðan maður bíður eftir matnum. Við fórum í alls konar keppnir eins og hver teiknar flottasta ljónið ofl. Jessy (lengst í til hægri) vann með yfirburðum en ég og Erin Vanilla (miðja) enduðum með því að krota yfir okkar því það líktist ekki neitt einhverju dýri. Síðan sjáið þið á myndinni vatnsglös en við eigum að drekka vatn allan daginn og vera með vatn á okkur í tímum og á kvöldin svo við séum nógu "hydrated" fyrir æfingar og leiki. Eini gallinn er allar auka ferðirnar á salernið sem fylgir!

Á leiðinni á Macaroni grill...

Annars gleymdi ég að segja ykkur frá myndinni sem við horfðum á með liðinu um daginn. Hún heitir "Teeth" og svona low budget mynd. Hún fjallar um vagina dentata en dentata þýðir tennur á latínu svo u do the math! jækkz...ekki fyrir viðkvæmna. Ég lít ekki á mig sem mjög viðkvæmna manneskju en mér leið ekkert svo vel eftir þessa mynd.

En tölum um fótboltann smá aftur en tveir af framherjunum okkar eru meiddir eins og er og önnur sleit krössbönd í hnénu og verður ekkert með það sem eftir er. Þar sem hún er senior þá á hún ekki eftir að spila fótbolta aftur ...á ævinni!! Ekki nema hún flytji úr landi, það er gallinn við kerfið hérna í ameríkunni, eftir háskóla þá er allt búið.

Þetta er líka mikill missir fyrir liðið þar sem þessi stelpa er mikill markaskorari og góður leikmaður en svona er fótboltinn og sem betur fer erum við með góða dýpt í liðinu og margir góðir leikmenn á bekknum ogsvona.

En ætli ég hafi þetta nokkuð lengra að sinni. Ég verð að spara eitthvað fyrir næsta blogg því ég ætla að vera súperdúper dugleg að blogga hérna og láta ykkur vita hvað er að gerast hérna hjá mér í ameríkunni!

En best að fara að lesa smá American History því það er próf á næstunni...við elskum próf!

Elska ykkur öll:*

Kveðja, Björg Magnea

» 11 hafa sagt sína skoðun

16.09.2008 05:37:53 / bjorgmagnea

It's just the beginning..

Hæhæ kæru vinir, vandamenn og aðrir lesendur. Þetta mun vera fyrsta blogg sjálfstæðu stelpunnar í Bandaríkjunum sem þrífur klósettið, vaskinn og eldhúsið sjálf, eldar sér mat (set hann í örbylgjuna), þrífur þvottinn sinn (notar æfingadótið sitt þangað til lyktin er orðin óbærileg) og sér til þess að leirtaugið er hreint (kaupi einnota diska og glös).

Núna er ég búin að vera hérna í meira en mánuð svo mér fannst vera kominn tími á heimasíðu. Herbergið mitt er að verða meira og meira kósí með tímanum. Ein hryllileg staðreynd er sú að ég er bara búin að fara einu sinni að þvo þvott svo óhreina taugið mitt flæðir af sveittum fótboltasokkum ofl. en það er planað að kippa því í lagið á morgun

Þetta eru sjóræningjarnir mínir! Nú er gaman að fara í keppni í að finna mig og Þórdísi

Við erum búnar að keppa núna 5 leiki. Við unnum fyrstu tvo leikina, töpuðum næstu tveim og gerðum svo eitt jafntefli á án gríns stærsta velli sem ég hef séð. Síðustu helgi fórum við til Tennessee að keppa. Eftir heilann 90 mínútna leik var 2x10 framlenging og ég hélt að labbirnar myndu slitna af eftir leikinn. Að venju var steikjandi hiti og nóg af vatni fór í gegnum líkamann. Í byrjun framlengingunnar, með fullan magann af vatni, fékk ég boltann beint í magann. Það var ekkert svo vont en bara mjööög óþægilegt. En allavega eftir leikinn fóru allir í sturtu og eins og flestir vita þá sturta stelpurnar sig í lokuðum sturtuklefum og afklæðast og klæða sig í nærfötin í lokuðum klefanum. Svo viðbrögðin sem ég fékk þegar ég ákvað að fara á handklæðinu einum klæða og klæða mig í opnu rými voru þessi

....hehe

Á bakaleiðinni höfðum við 8 tíma til að gera hvað sem er. Ég gerði ófáar fastar fléttur í hárið á stelpunum. Fyndna við það er að þær kalla þetta dyke-brait eða trukkalessufléttur og voru alltaf að gera grín að mér fyrir að hafa þær í en ég er kannski bara að búa til nýja tísku hérna í Ameríkunni!

Annars hefur ýmislegt gerst hérna í dvöl minni hérna. Ég er búin að kynnast fullt af fólki og allir eru voðalega kammó! Það kom mér mjög á óvart að það er ekki mikið um suðurríkjahreim hérna. Eina manneskjan sem ég þekki er hópfélagi minn í verkfræðinni hann Jesse. Hann talar með svo miklum hreim að þegar hann er að reyna að hjálpa mér í verkfræðinni þá kinka ég bara kurteisislega kolli, brosi og læt sem ég skil hann.

Ég hef séð fullt af nýjungum í dýraríkinu hérna. Ég sé hérna íkorna, froska, þvottabirni, litla fuglinn úr Pocahontas myndinni, hákarla og kakkalakka á stærð við lófann á mér!! Ég hef líka haldið á íkornaunga sem stelpurnar fundu allan útí möðkum og óhreinindum og reyndu að bjarga honum. Hann dó eftir tvo daga

En aðrar stelpur í liðinu Jamie og Kristin eiga fjóra unga sem eru byrjaðir að opna augun og skottin eru orðin loðin og þeir eru byrjaðir að klifra útum allt í búrinu. Um leið og þeir fara að borða hnetur að sjálfsdáðum þá ætla þær að hleypa þeim útí náttúruna!

Ég og Kristin Burton

Um daginn þá var Jake vinur okkar hérna í heimsókn og allt í einu segir Þórdís "Hey this song is about you" og byrjunin á American Boy með Kanye West byrjar..hahahaha

En þetta lag minnti mig ekkert smá mikið á Sumarbústaðaferðina til Sigga um daginn! Vá hvað mig langaði þangað og taka gítarsólóið með Steinari og Hjalta, spila Beerpong og dansa eins og brjálæðingur fram á rauða.

Lag bloggsins er samt án efa "Whatever you like" með T.I en þetta lag er alltaf spilað fyrir leiki og er eitt af mörgum lögum sem ég fíla sem við spilum í búningsklefanum.

Erin "Chocolate", Þórdís, Ég og Davi - Fólkið sem býr með mér í íbúð 8205!

Annars er alltaf gaman að heyra nýjasta nýtt af klakanum og minni á að ég er með myspace, facebook, skype, ichat, msn, tölvunetfang, síma, heimilisfang og auðvitað þetta blogg!

En þangað til næst, farið vel með ykkur:*

Bið að heilsa rigningunni, rokinu og kuldanum

Beeyorg

» 19 hafa sagt sína skoðun

13.09.2008 21:18:08 / BlogCentral

Nýtt bloggsvæði á BlogCentral

Eigandi þessa nýja bloggs hefur ekki gefið út fyrstu bloggfærsluna sína. Viðkomandi er án efa í óða önn að velja sér flott útlit, aukahluti, hlaða upp myndum og semja meistaraverk til að færa á spjöld sögunnar. Við bjóðum viðkomandi að sjálfsögðu velkominn á BlogCentral!

» 6 hafa sagt sína skoðun

Heimsóknir

Í dag: 0 Alls: 6734

Gamalt blogg

Aðalvalmynd

Björg Magnea

í Savannah, Georgía